ကိစ္စတစ်ခုဖြင့် ထားဝယ်ရောက်ခိုက် လူကြီးသူမများကို လိုက်တွေ့ဖြစ်သည်။
မောင်နောလေး…လာ လာ…နင်တို့ လာမှ တွေ့ရတာလေ….လူကြီးတွေက ထသွား ထလာ မလွယ်ကြ တော့ဘူး မဟုတ်လား… အလည်ပဲလား…
မဟုတ်ဘူး ကြီးကြီး…..အခွန်ရုံးလာတာ….ဗုဒ္ဓဂယာဘုရားဖူး သွားမလားလို့ပါ
အော်…..အခွန်ရုံးသွားရင် ငွေကြေးပေးရတယ် ကြားတယ်…အသိတွေ ဘာတွေရှိလား….
မရှိဘူး ကြီးကြီး….ကိစ္စ မရှိဘူး ကြီးကြီး….ကြည့်လုပ်လိုက်ပါ့မယ်
မဟုတ်သေးဘူး…..မလိုအပ်ပဲ အကုန်မခံနဲ့…နေဦး…..မောင်ရင့်တူကို မေးကြည့်ပါဦးမယ်….
ကျော်ကျော်က လ.ဝ.က ဆိုတော့ ရုံးမှ မတူတာ….နေပါစေ….ဒါနဲ့ ကျော်ကျော်က နယ်စပ်မှာ တာဝန်ကျနေ တယ်ဆို
ပြန်ရောက်နေပြီ…..နယ်စပ်မှာ(၆)လပဲ နေခွင့်ရတယ်….
အော်….မကြာဘူးပဲ
ဘယ်ကြာမလဲ….မောင်ရင့်တူက သိန်း(၃၀)ပဲ ပေးတာကိုး…..
အဆင်ပြေခဲ့သတဲ့လား ကြီးကြီး
အဆင်ပြေတယ် ပြောတာပဲ….သိန်း(၅၀၀)ပါလာတယ် ကြားတယ်….တို့ မမြင်ရ မစားရပါဘူး….ဟိုရှေ့မှာ တိုက် ဆောက်နေကြတယ်….မောင်ရင် ဝင်လာတော့ မတွေ့ခဲ့ဘူးလား….
သတိ မထားမိဘူး ကြီးကြီး
သူတို့ အဆင်ပြေနေတာကိုပဲ ကျေနပ်နေရတယ် မောင်ရင်ရေ…..သူ အလုပ်စဝင်တုန်းက အရာရှိကန် တော့ဖို့ စိုက်ထုတ်ပေးထားတဲ့ (၆)သိန်းတော့ ပြန်ပေးရှာပါတယ်….တော်သေးတာပေါ့လေ….
သွားလိုက်ဦးမယ် ကြီးကြီး
အေးအေး…..ကျန်းမာ ချမ်းသာပါစေကွယ်…..
အခွန်ရုံး မသွားမီ ရဲထောက်ခံချက်လိုအပ်သဖြင့် မြို့နယ်ရဲစခန်း၌ တစ်ထောင်တန် ကျေးရွာအုပ်ချုပ်ရေးမှူး ၏ ထောက်ခံစာကိုပြ၍ ရဲထောက်ခံချက် ယူလိုက်သည်။ တာဝန်ကျရဲသားမှ လွယ်လွယ်ကူကူပင် ထုတ်ပေး ပါသည်။ ကျေးဇူးတင်ကြောင်းပြောပြီး ရဲစခန်းမှ အထွက်…တာဝန်ကျရဲသားလေးလိုက်လာပြီး….
အစ်ကို…..စာရွက်စာတမ်းဖိုး နှစ်ထောင်ကျတယ်…အဲဒါ ရှင်းခဲ့ဦး….
ဟိုက်….မင်း စာရွက်က ဈေးကြီးလှချည်လား…..ရော့ နှစ်ထောင်
တစ်ထောင်တန် ထောက်ခံချက်နောက်တစ်စောင်နှင့် နှစ်ထောင်တန် ထောက်ခံစာတို့ကို ဆုပ်ကိုင်၍ အခွန်ရုံးသို့ ချီ တက်လာသည်၊ အခွန်ဦးစီးမှူးက စီစစ်သည်၊
ဘာလုပ်လဲ
ဈေးရောင်းပါတယ်….
အဲဒီအတွက် အခွန်ဆောင်ရမယ်
ကျွန်တော်က ရန်ကုန်မှာ ရောင်းတာ….
ဘယ်မှာပဲ ဖြစ်ဖြစ်…. ဆောင်ရမှာပဲ
ရန်ကုန်မှာလည်း ဆောင်နေရတာပဲ
အဲဒါက သတ်သတ်ပဲ…..မင်းမှာ အိမ်ရှိတယ် မဟုတ်လား
မရှိဘူး….
မင်း မိဘမှာ ရှိတယ် မဟုတ်လား….
ရှိတယ်
အဲဒီအတွက် ဆောင်ရမယ်….ဒီဖောင်မှာ ဖြည့်ထားတဲ့အိမ်ကို ကြည့်ပြီး တွက်ရဦးမယ်….ကြာပါတယ်လေ… ငါ အဆင် ပြေအောင် လုပ်ပေးလိုက်မယ်….ငါကိုတော့ ဘာမှ ပေးစရာ မလိုဘူး…ရုံးမှာ လိုအပ်နေတဲ့ စတီး(လ်)ကုလား ထိုင်တစ်လုံးတော့ လှူခဲ့….မင်းတို့လို ဧည့်သည်တွေ လာတဲ့ခါ….အစည်းအဝေးရှိတဲ့ခါ ထိုင်ရတာပေါ့….နော်…
ကုလားထိုင်က ဘယ်လောက်ကျပါလဲ
အဲဒါကို အပြင်ဘက်က စာရေးကြီး ရှင်းပြလိမ့်မယ်….
ကိစ္စဝိစ္စတွေ ပြီးသောအခါ ဝဝဖိုင့်ဖိုင့် စာရေးကြီးက ရှင်းပြတော့သည်။
ဦးစီးမှူးက ကုလားထိုင်တစ်လုံး အလှူခံထားတယ်ဆို…
ဟုတ်ပါတယ်
ကုလားထိုင်က ဟို ရှေ့က ဆိုင်မှာ ရောင်းတယ်….မင်းကိုယ်တိုင် ဝယ်လှူခဲ့လည်း ရတယ်…ဒါမှမဟုတ်
တို့ စီစဉ်လိုက်မယ်….တစ်လုံးကို တစ်သောင်းခွဲပဲ ကျတယ်…
ကျွန်တော် သွားဝယ်လိုက်ပါမယ်
တစ်လုံး ဘယ်လောက်လဲ
တစ်သောင်းရှစ်ထောင်
တစ်သောင်းခွဲပဲဆို
ပုံမှန်ဈေးပါပဲ
ကိုနော ပြန်လှည့်လာပြီး…..
ရော့ ဗျာ….တစ်သောင်းခွဲ စာရေးကြီးပဲ စီစဉ်လိုက်ပါတော့…..
အေး…အေး…ကျေးဇူးပဲကွယ်
လိုအပ်သော စာရွက်စာတမ်းများ ပြည့်စုံသွားသဖြင့် နှစ်ရက်ခန့် နေပြီးနောက် ရန်ကုန်သို့ ပြန်လာခဲ့သည်။
ထားဝယ်-ရန်ကုန်ကားများ၌ ထိုင်ခုံကျဉ်းလွန်းသဖြင့် နှစ်ယောက်ထိုင်ရမည့်အရေး စိတ်အိုက်နေသည်၊
ဘေးခုံတွင် ပိန်ပိန်သေး သေး မိန်းမချောလေးတစ်ယောက် လာထိုင်၍သာ အနည်းငယ်စိတ်သက်သာရာ ရ တော့သည်။ အဝေပြေးဂိတ်မှ ထွက်ခွာလာပြီး မကြာမီ နောက်ဘက် ထိုင်ခုံမှ အမျိုးသားကြီးနှစ်ဦး၏ ငြီးငြူသံ များ ကြားနေရသည်၊ တစ်ယောက်က ကိုနော ခုံကို မသိမသာ ပုတ်နေသည်၊ ကိုနောမသိယောင်ပြုနေသည်၊ တစ်ယောက် တစ်ခွန်းပြောနေကြသည်၊ အသံ တစ်သံကို ကြားဖူးသယောင်ရှိ၍ အကဲခတ်ကြည့်လိုက်သည်၊ အားပါး…..အခွန်ရုံးက တစ်သောင်းခွဲတန် စာရေးကြီးပဲ။
တစ်နေရာတွင် ကျန်းမာရေး ရပ်နားသောအခါ စာရေးကြီး ကိုနောဆီ ချဉ်းကပ်လာသည်၊
ဦးကို မှတ်မိလား….
ဟုတ်ကဲ့
ထိုင်ခုံတွေက သိပ်ကျဉ်းတယ်နော်
ဟုတ်ပ
မောင်ရင်တို့က အဆင်ပြေတာပေါ့….နှစ်ယောက်စလုံး ပိန်ပိန်ဆိုတော့….
အင်း
ဦးတို့မှာက နှစ်ယောက်စလုံး ဝဖိုင့်နေကြတော့ အတော်ကို ကျပ်ကျပ်သပ်သပ်ပဲ….
အော်
ဟို ဟို မောင်ရင်အနေနဲ့ အားတော့ နာတယ်ကွာ….ခုံများ လဲထိုင်ပေးလို့ရမလား…..
မဖြစ်ဘူး ထင်တယ်ဗျ….ကျွန်တော်က ပြဿနာမရှိဘူး…..ဟိုကောင်မလေးက ရှိသေးတယ်
သူလည်း ကိစ္စ မရှိလောက်ပါဘူး….မောင်ရင်တို့က လူငယ်တွေပဲ ဥစ္စာ….
ဟိုလေ…ဦးလေးရယ် ကျွန်တော်တို့က ငယ်သေးတော့ ဘယ်လောက်တန်မှန်း မသိသေးဘူး….ဦးလေးက တစ်သောင်းခွဲပဲ တန်တာဆိုတော့ ကြုံသလိုသာ ထိုင်လိုက်ပါတော့……
ဘယ်လို…..ဘယ်လို မင်းကွာ….ငါ့ကို…..
သူများတွေ တက်နေပြီ…..ကားပေါ်တက်စို့ စာရေးကြီး…..။
ဝူး…..ဝူး….ဂလုတ်…..ဂလုတ်….။
