Thursday, December 26, 2013

ထိုင်း


ထိုင်းခရီး
ဒုန်းစိုင်းပြီး သွားသင့်တာ ကြာပေါ့...
သို့သော်လည်း
မြန်စေကြောင်း ဆေးကောင်း မရှိ
ငုံးတိတိနှင့် ငေးငိုင်
အပြီးအပိုင် လက်လျှော့ခဲ့....။

အခုတော့
ချစ်တဲ့သူကို အသာထား
သင့်မဲ့လူကို မှီကာသွားမယ်ဗျ
ဘန်ကောက်ကို ဂျောင်း....။

(ထားဝယ် ရေနက်ဆိပ်ကမ်း တည်ဆောက်နေသည့် နဘုလယ်ဒေသ၌ ငွေ ကို မြန် ဟု ခေါ်ကြသည်။)

(၂၈. ၁၂. ၂၀၁၃ နေ့ မနက် ၉ နာရီတွင် ရောက်မည်၊ ငွေမရှိပေမဲ့ အဆွေကြည့်လို့ ရောက်ရဦးမည်။
မိတ်ဆွေအပေါင်း ရှောင်ရှားနေကြပါရန် ကြိုတင် အသိပေးအပ်ပါကြောင်း)

ကိုနော
၂၇. ၁၂. ၂၀၁၃ ။





Sunday, December 15, 2013

အမြီး (သို့) ထားဝယ်



သတ္တဝါတစ်ကောင်ရဲ့အမြီးက
ကြည့်လို့ကောင်းရုံ, အပျင်းပြေလှုပ်ရုံကလွဲပြီး
ဘာများ အသုံးဝင်လို့လဲ…?
ဗမာလည်း မပီသ,
တိုင်းရင်းသားလည်း အမည်မရတဲ့
တနင်္သာရီဆိုတဲ့ အမြီးတစ်ချောင်း
မြန်မာပြည်မှာ ရှိလေရဲ့….။
ဒဝယ်, ပလော, ဘိတ်, ဘုတ်ပြင်း, ကော့သောင်း
ငါးမျိုးပေါင်းစပ်, အဲဒီအရပ်ပေါ့ဗျာ…။
အဲသမှာ….
ထားဝယ်, ထက်ဝယ်, ဓားဝယ်, ဓာတ်ဝဲ
အခေါ်ကွဲပြား, စကားလည်း ခြားတဲ့
ရေဖြူ, သရက်ချောင်း,
လောင်းလုံ အဝင်အပါ
မြို့ဒဝယ်က
အမြီး အရင်းပိုင်းပေါ့…။
အဲသမှာ….
မီးပုံးပျံဦးကျော်ရင်,
ဗိုလ်ဗထူး, ဝန်ကြီးချုပ်ဦးဗဆွေ,
တောဘုရင် ဗသိန်းတင်,
ပန်းချီဦးငွေကိုင်, ပန်းပုဦးဟန်တင်,
ထားဝယ်ကျော်မင်း,
ဃောသိတာရုံဆရာတော်,
ရွှေဝယ်အေး, မောင်သန်းဆွေ တို့
ကျော်ကုန်၏…။
အုပ်ချုပ်သူအဆက်ဆက် ရှော်ကုန်၏…။
သဘော မနော ကောင်းကုန်၏…။
ထောက်လှမ်းရေးများ တောင်းကုန်၏…။
ဒူးရင်း,ဒညင်း, မင်းကွတ်,မရမ်း,
ဓနိ,ရော်ဘာ,လယ်ယာ သစ်ဝါး
သားငါးပုစွန်လည်း ပေါကုန်၏….။
တရားဝင်သူခိုးကြီးများ ထောကုန်၏။
အနုပညာရှင်များကို မြှောက်စားကုန်၏…။
ဓမ္မကထိကများ အရောက် သွားကုန်၏..။
မြို့ဟောင်းအများ
ကျောင်းကန်,ဘုရားနှင့်
ဘာသာတရားလည်း တန်ဖိုးထား၏….။
အေ့ဒ်စ်ဝေဒနာရှင်များလည်း အမှန်တိုးပွါး၏။
အထူးပြုဆေးခန်း, ဆူပါမားကက်,
လိုအပ်ချက်များ စုံလင်၏…။
ပြည်သူ့ဆေးရုံကြီး၌ ခွေးများစည်ပင်၏။
ရှင်ကိုးရှင်နှင့် မောင်းမကန်လည်း သာယာ၏…။
ပေါ်တာဆွဲခြင်း, အနိုင်ကျင့်ခံရခြင်းများ အခါခါရှိ…။
လိုင်စင်မဲ့ဆိုင်ကယ်များ တဝေါဝေါသွားကြ၏…၊
ယာဉ်ထိန်ရဲများ တသောသောစားရ၏…။
နှစ်ကျိပ်ရှစ်ဆူဘုရားပွဲ,
ရှင်ဥပဂုတ်မျှောပွဲ, ဘုန်းကြီးပျံပွဲများ စည်ကား၏..။
တိုင်းမှူးအစဉ်ဆက် ကျီစား၏…။

လုံခြုံရေးတင်းကြပ်လိုက်ကတည်းက
မလုံခြုံတော့တာ အဲဒီမြို့လည်းပါသပေါ့…။
ဒဝယ်သား
ဒဝယ်သို့ သွားရချေအံ့…၊
၃၈၄-မိုင်ခရီး
အောင်မင်္ဂလာမှ စ၍ စီးခဲ့…၊
ယူနီဖောင်းဝတ် လက်ထောင်သမျှ
စပါယ်ယာ လက်ကမ်းရချေ၏…၊
ကျောင်းမနေရ ကလေးဈေးသည်
ပေါကြွယ်စွာ၏..။
မုတ္တမတံတား ခရီးနား၍ အိပ်ရချေ၏…၊
ဂိတ်များစွာက အာဏာပြသဖြင့်
မကြာခဏ တန်းစီရ၏….။
မွန်ပြည်အထွက်
တောင်အတက်`မလွှဲတောင်´လည်း
ဖြတ်ရချေ၏…၊
ကားတို့သည် မြေ၌သွားကုန်၏…၊
လမ်းကား မရှိချေ…။
ခရီးတစ်လျှောက်
ဓားပြမျိုးစုံ ဖူးပွင့်ကုန်၏…
တပ်မတော်ဓားပြ,
ငြိမ်းချမ်းရေးဓားပြ,
မွန်,ကရင် သူပုန်ဓားပြ,
နယ်စပ်ကလာတဲ့ လခစားဓားပြ,
မြို့နဲ့တောကြား လာလာသွားသွား
ဗိုလ်ကုလားဆိုတဲ့ဓားပြ,
ငတ်ရင်ထကြွ ရွာနေဓားပြ,
ဘုရားသာ တ, ကြလေကုန်လော့...။
တစ်ရက်ကျော်ကျော်
အပြင်းနှင်သော်ကား
သေလုမျောပါး ရောက်ရချေတော့သည်တမို့….။
အမေ့ကိုတွေ့တော့လည်း ဟုတ်တုတ်တုတ်….။
အမြီးကလေးက တဖုတ်ဖုတ်…..။
  
ကိုနော
                   

Friday, December 13, 2013

ထားဝယ် -၂


"မင်္ဂလာပါရှင်...ငွေငန်းဖြူ မော်တော်ယာဉ်ဟာ
 ရန်ကုန်မြို့မှ..."
ကားမယ်လေးအသံ နားဝင်ပီယံ ချိုအေး....၊
ထိုင်ခုံလှလှ အေးမြမြနဲ့ အထူးကားမို့  အထူးဈေးပေါ့ဗျာ....။
စိမ်းလဲ့တင် သိုက်မြုံ ကျိုက်ထိုမှာ ခဏနား
တစ်ညစာ အ၀စားကြ.....၊
ကားမယ်လေး နှိုးဆော် ကားပေါ် အကုန်တက်ကြ
လူစုံလို့  ဒုန်းစိုင်း ၀ုန်းဝုန်းဒိုင်းဒိုင်းတော့ မရှိပါဘူး....၊
ဝုန်းဒိုင်းကြဲခေတ်ကုန် ဖြစ်ပုံလေ အခြေပြောင်း
စစ်ဗိုလ်တွေ ငွေမတောင်းတော့ပါ....။

သံလွင်တံတားလည်း မသိရှိ
ရေးလမ်းကိုလည်း မကြည့်မိ
မလွှဲတောင်လည်း ပိပိပြားနေသမို့ 
ကလိန်အောင်ဆိုတာ အနီးလေးပါလားဗျာ.....။

မိုင်လေးဆယ် ဆက်သွား
တစ်ချက်လေးတောင် မရပ်နား
ထားဝယ်ဆိုတဲ့ အမိုက်စားမြို့ကိုရောက်.....။

မိုးတွင်းအခါ အင်းလေးဝေဒနာ
ဗိုလ်မြတ်ကိုလည်း မကယ်နိုင်ပါ
အေးလေ....သူ့ အိမ်မှ မနစ်သေးတာ.....။

အဲဒီမှာ.....
အစားကြီးတဲ့ (၂၄)နာရီ မီးရှိတယ်
မပီတပီ တနင်္သာရီ ဂျာနယ်ရှိတယ်
အချင်းမပွား မင်းကြီးများ လွှတ်တော်ရှိတယ်
သခင်မှီခိုစားတဲ့ အင်ဂျီအိုများလည်း ရှိတယ်
မြန်မာ့ရိုးရာ နှစ်လုံး သုံးလုံး ကစားနည်းရှိတယ်
မြို့ ပြအမှတ်အသား သစ်ဆန်းတဲ့ အချစ်ခန်းများလည်းရှိတယ်
ဖြေဖျော်မစဲ ထူးတရားပွဲတွေ ရှိတယ်
ပသီကုလား လည်ပုံ သတိ.....ဗလီအများ နယ်စုံရှိတယ်
ခါတော်မီ နိုးကြား ၉၆၉ လည်း တိုးပွားတယ်
ရိုးဖြောင့်မမှား မျိုးစောင့်တရားလည်း လင်းလက်တယ်
စံပြအထူး ဓမ္မစကူး(လ်)လည်း စီးဆင်းတယ်
အမျိုးမစစ် သူခိုးချစ်တဲ့ ပါတီရှိတယ်
သူငါတတွတ်တွတ် ဖေ့(စ်)ဘွတ်လည်း လန်းတယ်.....။

အဲသလို ထားဝယ်ပျို
မောင်းမကန်က တစစမျို....။
အဲဒီမှာ.....
ငါ့အမေ ငါ့အဆွေ
ငါတို့ တစ်တွေ ယက်ကန်ယက်ကန်နဲ့ 
ပက်လက်လန်ပေါ့ဗျာ.....။
ရဟယ်ရှင်.....ရဟယ်ရှင်.....။

ကိုနော
၂၉. ၀၉. ၂၀၁၃။