(၂၆)ကျပ်

 

ကလင် ကလင်…..ကလင် ကလင်….
ဟဲလို
ဆရာ…ကျွန်တော် ဖိုးဇော်ပါ
အေး…မင်း ရန်ကုန် လာဦးမယ် ဆို
လာမယ်ဆရာ…မှတ်ပုံတင် လုပ်နေလို့
အဆင်ပြေလား
ပြေတယ်ဆရာရေ…နေ့ချင်းပြီး ရလာတာ
တယ်ဟုတ်ပါလား
ကျွန်တော့ ညီမလေးက တစ်ထိုင်တည်းနဲ့ ရလာတာ ၊ ကျွန်တော်ကတော့ နှစ်ရက်ဖြစ်သွားတယ် ၊ စာရွက်စာတမ်း မစုံလို့၊

ဘယ်လောက်ကုန်သေးလဲ
တစ်ယောက် တစ်သောင်းပဲ ကျတယ်

တစ်ယောက် တစ်သောင်းက လမ်းစရိတ်ကို ပြောတာလား
မဟုတ်ဘူး၊ ရုံးမှာ ပေးရတာ၊

ဟုတ်လို့လားကွာ၊ မင်းတို့ စားတာ သောက်တာ၊ ဆိုင်ကယ်ဆီထည့်တာတွေကို ထည့်မပြောနဲ့လေကွာ၊
ဆရာကလည်း ခက်နေပြန်ပါပြီ၊ အလကားရတာ ဘာရှိလို့လဲ၊ ဟိုတလောက ဘသိန်းလုပ်တာ…ခြောက်ထောင်ပဲ ကျတယ်၊ အဲဒါက တစ်ပတ်ကြာတယ်၊ အခုဟာက တစ်ရက်တည်းနဲ့ ရတာလေ၊ တန်ပါတယ်ဗျာ၊

ဦးခင်ရီပြောတော့ (၂၆)ကျပ်ပဲ ဆို
အဲဒီခင်ရီက ကိုယ်တိုင် လုပ်ဖူးလို့လား

ဟ ကောင်ရ…ဦးခင်ရီဆိုတာ မှတ်ပုံတင်ထုတ်ပေးတဲ့ဌာန လ.ဝ.က ဝန်ကြီးကွ၊ ပြည်ထောင်စုဝန်ကြီးပဲ၊ သူပြောတာ ဘယ်လွဲပါ့မလဲ၊
ဟုတ်လား….အော်….ဟုတ်မှာပေါ့လေ….သူလုပ်ရင်တော့ (၂၆)ကျပ်နဲ့ ရနိုင်တာပေါ့…။

အေးလေ….ဘာပဲ ဖြစ်ဖြစ် ရန်ကုန်လာခဲ့ဦး….
ဟုတ်….ဟုတ်ကဲ့ပါ…။