အမည်မဖော်လိုသူ ဒေါ်မိမိလေး

 (သားလေး လေးတန်း တက်တုန်းက ဖြစ်သည်၊)
ယောင်္ကျားရေ…..သားကို ကျူရှင် ပြောင်းမှ ဖြစ်တော့မယ် ထင်တယ်၊
ဘာဖြစ်လို့လဲ….ကျူရှင် မကောင်းလို့လား
မဟုတ်ဘူး…..ကျောင်းမှာ နေ့တိုင်း အရိုက်ခံနေရတယ်တဲ့
စာ မရလို့လား
တစ်ကြောင်းမဟုတ် တစ်ကြောင်းကြောင့်ပေါ့….ကလေးပဲဟာ ရိုက်မယ်ဆို ရိုက်စရာချည်းပေါ့ ဟဲ့…
ဘယ်ဆရာမက ရိုက်တာလဲ
အတန်းပိုင် ဒေါ်မိမိလေး
ဒေါ်မိမိလေးကို မိန်းမ သိတယ် မဟုတ်လား
သိလို့ပဲ သူ့ဆီ ကျူရှင် မအပ်တာပေါ့
အတန်းပိုင်ဆီ အပ်မှ ကလေး သက်သာမှာလေ
ထီးတစ်ချောင်း သွားပေး ပြီးပြီ…..သူက အတန်းပိုင် ဝိတ်နဲ့ ဖိချင်တာ….ကျူရှင် လက်ခံပြီး စာကောင်း ကောင်း မသင်ဘူး…သူဆီ အပ်လည်း နောက်ကျူရှင်ထားရဦးမှာပဲ….သူက သင်္ချာနဲ့ အင်္ဂလိပ်စာ မသင်ဘူး၊
ဟ….ဒါဆို ဘာသင်ဦးမှာလဲ
ဒါကြောင့် ပြောတာပေါ့….ကျန်တာတွေကျတော့လည်း သူ့သမီးနဲ့ သင်ခိုင်းတာ….၊
လူပါးဝလိုက်တာ….ဒီအချိန်ကြီးကျမှ ကိုးလိုးကန့်လန့်ကွာ
ကျူရှင်နှစ်ခုကျပြန်တော့ မတတ်နိုင်ဘူး ယောင်္ကျားရေ….ကလေးလည်း နားရမှာ မဟုတ်ဘူး….စာကို ငြီး ငွေ့သွားမှာတောင် စိုးရတယ်…၊
ဒီနှစ်တော့ ထားလိုက်တော့…..သားကိုပဲ ချော့ထားရမှာပေါ့…နော..
စောင့်ကြည့်ဦးမယ်…..တရားလွန်လာရင်တော့ ထိုင် ကြည့် မနေဘူး…

ကျောင်းဖွင့်စတွင် ဆရာမများ ပညာပြတတ်သည်၊ သူတို့ဆီ ကျူရှင်အပ်လာအောင် နည်းစုံ သုံးတတ်သည်၊ သူတို့ ပစ်မှတ်မှာ…သူတို့ဆီ ကျူရှင်မအပ်သော အိမ်က ဂရုစိုက်သော စာသိပ်မတော်သော ကလေးများ ဖြစ် သည်၊ ကိုနော သားလေး အပါအဝင်ဖြစ်သည်၊ ဒေါ်မိမိလေး၏ ဗျူဟာတစ်ခုက စိတ်ဝင်စားစရာကောင်း သည်၊
(နေ့တိုင်း သားလေး ပြောပြသည်ကို ကောက်ချက်ဆွဲထားခြင်း ဖြစ်သည်၊ မလိမ်တတ်သော ကလေးမို့ အား လုံး မမှန်တောင် အားလုံး မလွဲနိုင်ပါ)
ဒေါ်မိမိလေးသည် ကျောင်းဖွင့်စတွင် သူ့လက်သံပြောင်ကြောင်း ပြသ၍ ခြောက်ထားလိုက်သည်၊ သိပ်မကြာ ခင် သူ့ ရည်ရွယ်ချက်ကို အကောင်အထည် ဖော်လိုက်သည်၊ ကျောင်းတွင် အာဟာရကျွေးသောအခါ သူပစ် မှတ်ထားသော ကလေးများကို ထရပ်ခိုင်းသည်၊ အခြားကလေးများကို တတ်နိုင်သလောက် လှူနိုင်ကြောင်း ပြောပြီး ပစ်မှတ်များကို တစ်သောင်းစီ အလှူခိုင်းသည်။ အိမ်က တစ်သောင်း များကြောင်း ပြောသောအခါ သားလေးက ဒေါ်မိမိလေး လှူခိုင်းတာမို့ လှူမှ ဖြစ်မယ်ဟု ငိုရှာသည်၊
ငိုမှာပေါ့…သားလေး ကြောက်နေသည်ကိုး….ကြောက်မှာပေါ့….ခြောက်ထားတာကိုး…။

ကိုနောက လမ်းညွှန်ချက်ပေးလိုက်သည်။
ဒီတစ်ခါ ရှိစေတော့….တစ်သောင်း ပေးလိုက်….နောက်နောင်ဆိုရင် ဘယ်လောက်တောင်းတောင်း ….. အိမ်ကို မေးဦးမယ်လို့ ပြော….ကြားလား….သား…။
ဟုတ်ကဲ့….။

ဒီနှစ် ဘယ်လိုလာမလဲ…စောင့်ကြည့်ရပေဦးမည်။
ပုဂ္ဂလိကကျောင်းတွေ ပေါ်လာပြီဆိုတော့ နောင်နှစ် အဲဒီမှာ ထားဖို့ စဉ်းစားရပေမည်၊ ကျောင်းလခတွေလည်း သိပ်မ ဆိုးလှ၊ ကျူရှင်လည်း ထားစရာမလို၊ အကြောင်းအမျိုးမျိုးပြပြီး ငွေညှစ်တာ လည်း မခံရတော့၊ ဆရာမတွေကိုလည်း ဖား နေစရာ မလို၊ စာ ပိုတော်မလာတောင် လူကြီးရော ကလေးပါ စိတ်ချမ်းသာလိမ့်မယ်….ထင်တာပဲလေ….နော…။